БИШКЕК, 27-апр. — Sputnik. Бишкек шаарындагы бала бакчалардын биринде аял кичинекей балага кыйкырып, аны жулкулдаткан. Бул тууралуу күбө Sputnik Кыргызстан агенттигине WhatsApp-каналы аркылуу маалымдады.
© © видео очевидца, отправленное по Whats App-каналу
Анын айтымына караганда, окуя бүгүн, 27-апрелде саат 11.00дөр чамасында 8-кичирайондогу бала бакчалардын биринде болгон.
"Аялдын кыйкырган үнүн терезе тараптан уктум. Ал баланы жулкулдатып жатканын тартууга жетишпей калдым. Менин түшүнгөнүмө караганда, бала суу сураган, бирок аял ага бакырып бербей жатты", — деди күбө.
Sputnik Кыргызстан агенттигинин кабарчысы аталган окуяны Бишкек шаардык билим берүү башкармалыгынын жетекчиси Сауле Мейрмановага кабарлаганда, ал окуя сөзсүз түрдө иликтене турганын айтты.
